ديوان شهريار (تركى) جلد سخت

22,500 تومان


شهریار

 

اوتوز آلتى ايل بوندان اول، 1332- نجى ايلين اسفند آييندا، نوروز قاباغى آذربايجان خلقى ئوز شاعريندن اونودولماز بيرهديه آلدى. بو، استاد شهريارين «حيدر بابايا سلام» اثرى ايدى. حجمجه كيچيك، مضمونجا دولغون اولان بو اثرين نشرى ايچون او وقتكى تبريزين بوتون فرهنگى و پوليقرافيگ گوجوندن و امكانلاريندان استفاده اولونموشدى- خطينى ميرزا طاهر خوشنويس ياز ميشدى، شكللرين رسام مرتضى نخجوانى چكميشدى، گراورلرينى ميرزا عبدالوهاب شعارى حاضرلاميشدى، حسين آقا زفيرينين چاپخاناسيندا چاپ اولونموشدى، حسن تقويمى چاپين بوتون وسايلينى حاضرلاميشدى، مهدى روشن ضمير، عبدالعلى كارنگ هربيرى آيريليقدا مقدمه يازميش، شهريارين ئوزوده خلاصه شكلده اثرين يارانماسى حقينده ايضاحات وئريب اونو آذربايجانليلارا تقديم ائتميشدى.

شهريا بو گوزل منظومه‌نى يازماقدان هله چوخ- چوخ اول ئوزونون زنگين ياراديجيليغى ايله ايراندا شهرت قازانميش، حقلى اولاراق معاصر دورين حافظى لقبى كيمى عالى بير مقام صاحبى اولموشدى. بوندان سونرا شاعر بير سيرا عامللرين تأثيرى

آلتيندا و هاميدان اول آنا سنين آرزو وايستگى ايله «حيدر بابا سلام» منظومه سينى قلمه آلميشدى.

«حيدر بابا سلام» شمس قيس رازى‌نين افاده‌سيله دئسه‌ك «خوش طالع ايله دوغولموشدى». اثرين نشرى ايله ديللر ازبرى اولماسى، عموم خلق محبتى قازانماسى، سر حد لرى آشيب تورك ديللى خلقلر آراسيندا ياييلماسى، يوزلرله نظير لرله قارشيلانماسى، ماهينلار قوشولماسى، عاشيقلارين سازيندا، مغنى لرين آوازيندا اوخونماسى بير اولدى. بو ادبى حادثه دن ايللر ئوتوب كچندن سونرا شهريار آنا ديلينده اونلارلاينى اثر يازدى، فقط باخيب گوردو كه، هيچ بيريسى «حيدر بابا سلام» بويونا گليب چاتمادى. چوخ احتمال كه، شاعر آشاغيداكى مصر اعلارى يازماقلا بو حقيقتى اعتراف ائتمه‌لى اولدى :

باخ كه (حيدر بابا) افسانه تك الموش بيرقاف

من كيچيك بير داغى سرمنزل عنقا ائله ديم.

توضیحات

گزیده ای از دیوان شهریار

 1حيدر بابا، ايلدريملار شاخاندا،

سللر، سولار شاقليدايوب آخاندا،

قيزلار اونا صف باغليوب باخاندا

سلام اولسون شوكتوزه، ائلوزه

منيم ده بير آديم گلسين ديلوزه.

 2حيدر بابا، كهليكلرون اوچاندا

در آغاز دیوان شهریار می خوانیم

 

 

شهريارين آنا ديلينده شعرلرى     9

حيدر باباى شهريار      23

حيدر بابايا سلام          31

ايكنجى «حيدر بابايا سلام»          49

توركون ديلى             60

بهجت‌آباد خاطره‌سى                 62

دؤ گونمه – سؤيونمه                  64

سهنديم!     68

]ائل بلبلى[             81

محمد راحيم حضرتلرينه جواب                 88

شهريارين جوابى        96

سليمان رستمه            98

(يتيم مالى)                 99

حكيمه جان               101

كرج خاطره‌سى          102

ايمان مشتريسى          105

ياتا بيلمه‌ييرم               107

شاطر اوغلان              110

زمان سسى                 112

گئتمه ترسا بالاسى      114

ناز ايله‌ميسن!              116

آزادليق قوشى وارليق                 119

غم باسدى قليانيمى     121

پروانه و شمع              123

صنعتى مملكت!         124

غمله آتيشيق و باريشيق               127

بلالى باش                  129

ايمانيله گئتدى            131

شوخلوق    133

جان آليرايندى           134

آغيز يئمشى                136

دنيا نه يالان تاپماجادير؟              137

انجلا          139

هارا قاچسين انسان؟   142

آلنمين يازيسى           145

يار قاصدى                 148

گوزوم آيدين            149

جان رستم!                 151

قره باسدى حكايه‌سى                 153

انسان‌ساز انقلابميز!     154

مجنون       158

چابالير اورك سينه‌مده               159

اويون اولدوق            161

«رطب‌وئريب تزه‌ك آلديق»       162

معلول يازيق نيله‌سين؟                 164

او تايدان گلنه            167

آللاه وعده‌سى!          169

صابرين خوروزى       170

انس و جن                  172

آللاه بوياغى              174

]بدو آت[              175

قافقازلى قارداشلار ايله گوروش               176

نئجه كئچدى ]عمرون[؟             179

عزيزه         180

عزيزه جان                  183

يالقيز غريب!               184

هلال محرم                185

تضمين       188

خان ننه       190

سازلى شاعريميز «خازن» ين روحنه تقديم   196

فخريه ئولومى            198

به‌ياد دوست ديرينم محمدعلى محزون       200

دان اولدوزودا            201

باتدى         201

آقا مير صادقين خيراتى               202

عمو اوغلوم ميرابوالفضله           206

قارداشيمين مزارى      209

قوشمالار و باياتيلار

قارداشيم سليمان رستمه اتحاف                  210

قارداشيم سليمان رستمه              212

قاچاق نبى                  215

اصلى – كرم شعرينه بير حاشيه    218

يالان دنيا!   220

گؤزومون ياشلارى    223

باجيم اوغلى «بهروز»ين باياتيلارى               226

دكتر جاويد ده گئتدى                229

دريا ائله‌ديم                231

علاوه‌لر

شهريارا مكتوب         235

شهريارا آچيق مكتوب                245

قارداشيم شهريارا ايكينجى مكتوب            253

شاعر قارداشيم شهريارا مكتوب                  257

سليمان رستمين مكتوبى             260

شهريارا اتحاف           263

حكيمه بلورى            265

ايضاحلار     267

(راهنماى حيدربابا)    269

توركون ديلى             282

(توركيه‌يه خيالى سفر)                315

شهريارين آنا ديلينده شعرلرى

 

 

 

 

اوتوز آلتى ايل بوندان اول، 1332- نجى ايلين اسفند آييندا، نوروز قاباغى آذربايجان خلقى ئوز شاعريندن اونودولماز بيرهديه آلدى. بو، استاد شهريارين «حيدر بابايا سلام» اثرى ايدى. حجمجه كيچيك، مضمونجا دولغون اولان بو اثرين نشرى ايچون او وقتكى تبريزين بوتون فرهنگى و پوليقرافيگ گوجوندن و امكانلاريندان استفاده اولونموشدى- خطينى ميرزا طاهر خوشنويس ياز ميشدى، شكللرين رسام مرتضى نخجوانى چكميشدى، گراورلرينى ميرزا عبدالوهاب شعارى حاضرلاميشدى، حسين آقا زفيرينين چاپخاناسيندا چاپ اولونموشدى، حسن تقويمى چاپين بوتون وسايلينى حاضرلاميشدى، مهدى روشن ضمير، عبدالعلى كارنگ هربيرى آيريليقدا مقدمه يازميش، شهريارين ئوزوده خلاصه شكلده اثرين يارانماسى حقينده ايضاحات وئريب اونو آذربايجانليلارا تقديم ائتميشدى.

شهريا بو گوزل منظومه‌نى يازماقدان هله چوخ- چوخ اول ئوزونون زنگين ياراديجيليغى ايله ايراندا شهرت قازانميش، حقلى اولاراق معاصر دورين حافظى لقبى كيمى عالى بير مقام صاحبى اولموشدى. بوندان سونرا شاعر بير سيرا عامللرين تأثيرى

آلتيندا و هاميدان اول آنا سنين آرزو وايستگى ايله «حيدر بابا سلام» منظومه سينى قلمه آلميشدى.

«حيدر بابا سلام» شمس قيس رازى‌نين افاده‌سيله دئسه‌ك «خوش طالع ايله دوغولموشدى». اثرين نشرى ايله ديللر ازبرى اولماسى، عموم خلق محبتى قازانماسى، سر حد لرى آشيب تورك ديللى خلقلر آراسيندا ياييلماسى، يوزلرله نظير لرله قارشيلانماسى، ماهينلار قوشولماسى، عاشيقلارين سازيندا، مغنى لرين آوازيندا اوخونماسى بير اولدى. بو ادبى حادثه دن ايللر ئوتوب كچندن سونرا شهريار آنا ديلينده اونلارلاينى اثر يازدى، فقط باخيب گوردو كه، هيچ بيريسى «حيدر بابا سلام» بويونا گليب چاتمادى. چوخ احتمال كه، شاعر آشاغيداكى مصر اعلارى يازماقلا بو حقيقتى اعتراف ائتمه‌لى اولدى :

باخ كه (حيدر بابا) افسانه تك الموش بيرقاف

من كيچيك بير داغى سرمنزل عنقا ائله ديم.

دوغرودان‌دا (حيدر بابا) داغى بو اثرده افسانه‌وى بيرداغا چه وريلدى، شاعر اوغلونو قوينونا آليب «سرمنزل عنقا» اولان بيرقاف كيمى باشينى گو گلره اوجالتدى.

بو معجزه‌يه اوخشار اثر ائله بير زمان ياراندى كه، طاغوتى قانونلار بويوك بير خلقين ديلينه قيفيل وورموش، آذربايجان ديلينده يازماق ياساق ائديليب، باغيشلانماز جرم ساييليردى. ايران خلقلرى آراسيندا نفاق سالانلاردا بوظلمى «وحدت ملى» ئورتو گو آلتيندا گيزلتمك و بير نوع توجيه ائتمگه چاليشير ديلار. بئله بير ئولوم سكوتى‌نى شهريارين «حيدر بابايا سلام» منظومه‌سى سينديردى. بو، (حيدر بابا) نين سيماسيندا قولو زنجيرلى وطنه وئريلن سلام ايدى، قارانليقلارى ياران، سحرين مژده سينى وئره‌ن سلام ايدى، بوسلاما هر طرفدن عليك‌السلام سسى گلدى.

آذربايجان ادبياتى ايچون شهريار هرشيدن اول «حيدر بابا» شاعرى دير. بو اثرين
يارانماسى هم شاعرين ئوز حياتيندا دو نوش نقطه‌سى، هم ده ادبياتيميزدا ينى مرحله‌نين باشلانغيجى اولدى. بوئولسز بديعى اثرين ميدانا گلمه‌سى نى شهريارين حياتيندا و ياراديجيليغيندا اوناگوره دو نوش نقطه‌سى حساب ائديريك كه، شهريارين حقيقى استعدادى بو منظومه‌ده تام گوجو ايله چاغلاميشدير. محض بو اثرى ايله شهريار ئوز يوردوندا گنيش شكلده تانينماغا باشلادى، خلق آراسيندا درين و سار سيلماز محبتنى بو اثرى ايله قازاندى.

ائله جه ده «حيدر بابا سلام» منظومه سى نى معاصر آذربايجان ادبياتيندا اوناگوره دو نوش نقطه‌سى، ينى مرحله‌نين باشلانقيجى حساب ائديريك كه محض بو اثرين ميدانا گلمه سيله ادبياتيميزدا سوزون حقيقى معناسيندا مثلسيز بير جانلانما، دير چلمه عمله گلدى. معاصر آذربايجان ادبياتى تاريخينده يقين كه، «حيدر بابايا سلام» منظومه سى و اونون تأثيرى گله‌جكده مستقل بير بولمه‌ده تحقيق اولوناجاق. بوئولمز اثرين يارانما- سنيدان سونرا آناديللى ادبياتا ماراق و دقت آرتدى. جوان شاعر لردن توتموش قوجامان سوز اوستالارينا قدر بو اثره‌سس وئر مگه باشلاديلار. «سهنده مكتوب» اثرينده شاعر بو مطلبه بئله اشاره ائدير :

«سنى «حيدر بابا» اول نعره‌لر ايله چاغير اندا

او سفيل داردا قالان، تولكى قووان شير باغير اندا

شيطانين شيللاغا قالخان قاطرى نوخدا قير اندا

«دده قورقود» سسين آلديم، ديديم آرخامدى، اينانديم

آرخا دوردوقدا سهنديم، ساوالان تك هاوالانديم

سئله قارشى قاوالانديم.

جوشقونون دا قانى جوشدى، منه بير هايلى‌سس اولدى

هر سسيز بير نفس اولدى.

باكى داغلارى‌دا هاى وئردى سسه، قيها اوجالدى،

اوتايين نعره لرى سانكى بو تايدان دا باج آلدى.

«قورخما گلديم» دئيه سسلرده منه «جان» دئدى قارداش

منه «جان، جان» دئيه‌رك دشمنه «قان – قان» دئدى قارداش»

بويوك نظامى ئوز شعريندن و شاعرلر آراسيندا توتدوغو مقامدان دانيشار كن «خسرو و شيرين» اثرينده خلق آراسيندا گنيش ياييلميش بير مثلدن استفاده ائتميشدير. روايته گوره، گويا عرشده اولان بير خوروز ئوز بانى ايله‌يئر اوزونده اولان خورزولارى يوخدان اويادير، اونون سسينه سس وئره‌ن خوروزلار سحرين آچيلماسينى خبر وئريرلر. نظامى ئوزونو عرشين خوروزونا بنزتميشدى. بو مثلى شهريارين «حيدر بابايا سلام» منظومه‌سى حقينده سويله‌سك، ظنيمزجه يانيلماريق.

 

جزئیات کتاب

وزن 600 kg
ابعاد 23 × 17 cm
پدیدآورندگان

شهریار

نوع جلد

گالینگور

SKU

97042

نوبت چاپ

بیست و یک

شابک

964 – 6736 – 90 – 4

تعداد صفحه

320

قطع

رقعی

سال چاپ

1386

موضوع

اشعار ترکی

تعداد مجلد

یک

وزن

600

دیدگاه‌ها

دیدگاه‌ها

هنوز دیدگاهی ثبت نشده است.

اولین نفری باشید که دیدگاهی را ارسال می کنید برای “ديوان شهريار (تركى) جلد سخت”